حوش اللي وقع منك

حوش اللى وقع منك

كلمه بنسمعها كتير جدا

خاصه من الشباب الهايف

بيبقى الغرض منها الاستظراف

تبقى البنوته ماشيه فى الشارع

تلاقى الشاب الهايف ده اللى هو شعره مش تقدر تفرقه عن البنات بسببه

والبنطلون اللى واقع منه .. وال ايه موضه

ينادى للبنت يقولها

بس بس

يااااااااااااااا

حوشى اللى وقع منك

والبنت

يا هتبص تشوف فعلا ايه اللى وقع منها بحسن نيه
وهو طبعا هيقعد يضحك
يا هتبصله بقرف .. وهيقولها بصى على قدك

يا هتتجاهله تماما .. ويبقى شكله وحش

وحيط نفسه فى موقف بااااااااييييييخ

يا هترد عليه ويبقى موقف رابش قوى للاتنين

تخيلوا بقى لو البنت هى اللى خلت الولد الهايف ده ماشى وقالتله

حوش اللى وقع منك

يا ترى تفتكروا هيبص على شعره .. ويقول شعرى اللى وقع

ولا هيبص على بنطلونه اللى واقع لوحده اصلا

ولا هيبص عالسلسه اللى فى رقبته وبفكرها هى اللى وقعت

ولا هيبص على السيجاره اللى فى ايده ولا الولاعه ولا علبه السجاير

والا هيبص على الانسيال ولا الحظاظه اللى فى ايده

طيب ولما مش هيلاقى حاجه من دى واقعه

اكيد
هيقولها ظريفه

او هيعمل تقيل ولا يعبرها

طيب ولو قلتلك ان البنت مش بتعاكسه

والكلمه هنا مش غرضها الاستظراف

لان الموضوع مش عن المعاكسات أصلاً

ولا الغرض منه طرف معين

يبقى .. يا ترى اتقاله حوش الى وقع منك على ايه ....؟؟!!

*اكيد على رجولته اللى شبه ضايعه فى منظرته بكجولته الفارغه

وحوش اللى وقع منك

ومش كده وبس ...

::::
::
:

* لما البنت تتجرد من حياءها وتتجرد من انوثتها

نقولها حوشى اللى وقع منك

*لما الانسان فى شغله يتبع المصالح والواسطات

نقوله حوش اللى وقع منك

* لما الانسان يظلم الناس ويشهد الزور وينكر الحق

نقوله حوش اللى وقع منك

*لما عالمنتديات وفى الجامعات وفى الشوارع
نلاقى السلبيه والاباحيه ويبقى رد الفعل .. عادى يعنى

لازم نقول حوش اللى وقع منك

*لما نزور بلد ونلاقى اللى حاكمها مش بيدى للى فيها حقهم .. وماشيه حسب النفوذ

لازم نقول حوش اللى وقع منك

* لما الانسان اليأس يغلب طموحاته ويخليه ينسى احلامه

نقوله حوش اللى وقع منك

* لما الابن / البنت
مش يلتفتوا لكلام ونصائح وخوف اهلهم عليهم
اكيد هيخسروا

نقولهم حوش اللى وقع منك

*لما الانسان يبقى فى مجال معين
كل همه لفت الانظار والاضواء بطرق مخالفه او على حساب ناس تانيه

نقوله حوش اللى وقع منك

* الناس اللى مش سايبه حد فى حاله
ونازلين كلام واشاعات عالناس ونميمه وسخريه

نقولهم

حوش اللى وقع منك

*الناس اللى تدعى انها شيوخ وتقول قال الله وقال الرسول
وهى نفسها مش بتعمل باللى بتقوله وتلاقيها متناقضه

يبقى دقنك وقعت يا عم الشيخ
يا تربيها على السنه والقران وتتبعها بجد
يا تحووش اللى وقع منك

* لما الظالم يبقى برا قفص الاتهام
والمظلوم جوا القفص
يبقى نقول للى ظلم المظلوم

حوش اللى وقع منك

* لما الاذان يأذن ومش تقوم تصلى

حوش اللى وقع منك

لما كل ده يحصل
ولما اللى اكتر من كده يحصل

يبقى الناس نسيت كلام ربنا

فين تعاليم دينك .. فين سنتك ..؟

حو وووووووووووووووووووووووووووووش
اللى وقع منك

-----------------------

كلنا بيقع مننا حاجات مهمه كل يوم
سواء كانت حاجه صغيره او حاجه كبيره

وكلنا محتاجين نقرب من ربنا

ومحتاجين وقفه مع نفسنا
يمكن الوقفه دى

ترجعك عن طريق مسدود انت داخله
يمكن ترجعك عن معصيه هترتكبها او غلط هترتكبه

يمكن ترجعك عن لهو انت عايش فيه
يمكن ترجعلك كرامتك

يمكن ترفع راسك بين الناس
يمكن ترجعلك حلم حلمت بيه .. ويمكن تحققه

يمكن تخليك مظلوم مش ظالم
يمكن تخليك مرتاح الضمير

يمكن تحبب الناس فيك ..ولو بيحبوك فعلا .. تزيدك محبه
يمكن تقربك من ربنا وتفوز بجنته

يمكن ... ويمكن .. ويمكن

واللـــه أعلـــم

بس حقيقى كلنا محتاجين وقفه مع نفسنا
نشوف ايه اللى وقع مننا

ولو وقعت حاجه كويسه .. لازم نرجعها
*اللى نسيبه يقع مننا بس اى حاجه وحشه جوانا او فينا

لان دى مش هنندم عليها
لكن اكيد .. هنندم على اى حاجه حلوه تقع مننا

----------
اول ما تشوف الموضوع

ادى لنفسك من وقتك شويه

وحوش اللى وقع منك

شكرا لك يا محمد ع الموضوع الرااائع و الجميييل
و لكن للأسف لم استفد منه كثيرا لأنني لا افهم اللهجة المصرية آسفة [ندعوك للتسجيل في المنتدى أو التعريف بنفسك لمعاينة هذه الصورة]